Happy Valentine's Day To All Of You
بكرة 4/ 11 عيد الحب أنا بسميه عيد العشاق
من مكانى هنا احب اقول كل عيد حب وانت طيب ياغالى
طبعا الكلام ده للغاليين عندى وبس
بهزر
ايام الجامعة زمان
كان ليا تقليد خاص فى عيد الحب ده
وهو انى بتبادل الورود مع زميلاتى البنات
والله البنات
وده مقتصر طبعاً على اللى مكانوش مرتبطين وقتها
أما دلوقتى كل حد فينا اخذ لنفسه طريق
ومش بقينا نتقابل غير أوقات متباعدة
بس برضه مبنساش انى اقول ليهم
كل عيد حب وانتم كلكم فى حب
مش متخيله إن عيد الحب يعدى على اتنين بيحبو بعض ويكونوا بعاد عن بعض
يا جماعه اليوم ده بجد حاجه جميله اوى
لو استشعرتوا معناه الحقيقى
فى انه يخرج الاحساس الحقيقى من قلب كل اتنين بيتبادلوا مشاعر حب
حتقولولى المفروض الحب ميقتصرش على يوم معين فى السنه
علشان نظهره فيه
حقول وايه يعنى لما يبقى المشاعر دى حرارتها مرتفعه شويه اليوم ده
وتبقى فرصه كويسه للاحتفال
وتبادل احلى كلام وهدايا أو ورود كمان لو امكن
واهى تبقى فرصه كويسه لحاجه ممكن تكون مبتحصلش طول السنه
ويا-جماعه الحكايه مش تكلفه وهدايا
الموضوع موضوع احساس ومعنى
كل سنه وكل اتنين بيحبوا بعض مع بعض
وكل عيد حب وانت طيب
